ՎՍՀ-ում ՀՀ դեսպան Վահրամ Կաժոյանի հանդիպումը ՎՍՀ ԱԳՆ միջազգային կազմակերպությունների դեպարտամենտի տնօրենի տեղակալ պարոն Ֆամ Բին Անի հետ:

29 նոյեմբերի, 2023

Ս.թ. նոյեմբերի 29-ին ՎՍՀ-ում ՀՀ դեսպան Վահրամ Կաժոյանը հանդիպեց ՎՍՀ արտաքին գործերի նախարարության միջազգային կազմակերպությունների դեպարտամենտի տնօրենի տեղակալ պարոն Ֆամ Բին Անի հետ:

Հանդիպման ընթացքում կողմերը քննարկեցին Հայաստանի և Վիետնամի միջև միջազգային կազմակերպություններում, մասնավորապես ներկայումս Դուբայում (ԱՄԷ) ընթացող Կլիմայի փոփոխության մասին ՄԱԿ շրջանակային կոնվենցիայի կողմերի 28-րդ համաժողովի (COP28) շրջանակներում։

Դեսպան Կաժոյանը ներկայացրեց նաև Լեռնային Ղարաբաղի նկատմամբ Ադրբեջանի ագրեսիայի, շրջափակման ու էթնիկ բնաջնջման հետևանքով ներկայումս ստեղծված իրավիճակը, ինչպես նաև Հայաստանում ապաստան գտած՝ իրենց հայրենիքից բռնի տեղահանված անձանց վերաբերյալ մանրամասներ:

ՀՀ դեսպանը նաև ընդգծեց, որ 2020 թվականին Ադրբեջանի կողմից Լեռնային Ղարաբաղի դեմ սանձազերծված լայնամասշտաբ պատերազմի ընթացքում, Ադրբեջանն օգտագործել է միջազգային կոնվենցիաներով արգելված ֆոսֆորային և կասետային ռումբեր, որոնք անդառնալի վնաս են հասցրել տարածաշրջանի բնությանը, կենդանական ու բուսական աշխարհին և շրջակա միջավայրին։

Հանդիպմանը մասնակցում էին ՎՍՀ-ում ՀՀ դեսպանի օգնական Տամ Նգույենը, իսկ վիետնամական կողմից՝ իսկ վիետնամական կողմից՝ դեպարտամենտի աշխատակից տիկին Ֆամ Թույ Դուոնգը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր